標題 : 唔做番啲野點對得你哋住
上載日期 : 2010-09-29
瀏覽人次 : 2032
內文 :
「唔做番啲野點對得你哋住!」

逗你咁多人工,唔做番啲野點對得你哋住!

為著搵食,許多東西都擱在一旁…… 包括「蘋心夷論」。

大病一場後,許多事情都已經改變,如果自己不努力爭取,淨靠基本技能學歷去搵工做可能只得做校工的份兒。

其實能生長於香港,我們都可以算得上是上等人,如果我們能看看新聞報導時的天災橫禍時便可想而知。

幸福並不是必然,要掌握得到亦須要你我的爭取和懂得把握。

最近香港政府的市民房屋置業問題咨詢、資助市民購買醫療保險、甚至乎申辦亞運會等種種政府舉措行為,只是說明了一點:「香港政府許多九官,人工太高但係冇野做而搞出嚟的浪費大家的時間和金錢而已。」

(一). 市民房屋置業問題咨詢: 重建居屋有什麼不妥? 97年樓市下潟負資產受害者的慘痛經驗!

哦!! 係噃,當年許多中高級舊約公務員因為捨不得政府豐厚的購買房屋置業津貼而紛紛入市買樓,個個搞到損手爛腳仲銀包傷亡慘重添。 樓價剛剛到了家鄉仲沒什麼賺,點可能咁快要重建居屋? 打殘個樓價咁我哋點算呀!

(二). 資助市民購買醫療保險: “每月保險供款最「低」只需百多元”; 政府應該是因為要追上時代而極高薪聘請了許多許多的副局長和助理有關。

明明是“基本醫療保險金每月最少要付百多元”,卻用上了財務公司的私人貸款和信用卡公司現金透支的宣傳取巧字句,真係要講一句回應:「自已覺得自己“精”,都唔好當其他人“傻”。」

供完保險只係得50%基本醫療保障,這樣不包、哪樣不保算是什麼的保障? 保障高官你份人工就有可能。

(三). 傻佬曾話要申辦亞運會: 佢可能以為自己好靚仔(以為起碼靚仔過佢阿哥就得),仲係行緊運; 唔知班九官背後點睇佢。

佢面對著的是香港政府的公務員,唔好以為佢哋係新華社或者是新晚報。 不過或者佢以為佢可以將底褲著出來變超人吧!

東亞運單野一塌糊塗! 簡單的舉最威水的足球為例子,最重要的兩場在小西灣舉行的初賽時,傻佬曾你去了哪啦? 老細太忙沒空出席沒關係,副局長又有要事; 明白! 助理又有事要理; 秘書剛剛好這幾天要回家便秘,中級的已經做好份工吹雞派晒免費門票,基層些的公務員因為要服務市民的繁重日常工作而須要回家好好休息保持狀態。

貴賓席空無一人,第二場我們這些免費加賓只好暫作主家席,可是總入場人數只得可憐的五分之一而已。

而家話要百多億支出,以香港政府的預算習慣,十多年後好大可能上千億,使唔使現在開始要進行亞運會融資或者供款? 使唔使向溫總申請中央埋單??



請給我意見.
apple@app-ex.com.hk

回蘋心夷論主頁
0334439

Copyright © 2007 Eight8.com. All rights reserved. 版權所有 不得轉載.

廣告查詢